|  |
Новости на национальных языках |
|
|
Серпасалoма Комиысь из бoлбан
03.06.2010
«Россияса пошта» ФГУП-лöн Коми филиал заводитiс вузавлыны конвертъяс, кытчö серпасалöма миян республикаысь Печора-Ылыдзса заповедникысь из бöлбанъяс, кодъясöс вылö донъялiсны миян странаын «Сизим дивö» конкурсын.
Из бöлбанъяссö серпасалöма «А» литераа конвертö, кодöс лэдзöмаöсь «Ряжскöй печатнöй фабрика» ВАК-ын. Тиражыс 500 сюрс экземпляр. Водзмöстчисны тайö аслыспöлöс конвертсö йöзöдöм могысь Коми Республикаын «Россияса пошта» ФГУП-лöн филиал да «Марка» издательство.
Снимоксö вöчöма Печораысь Иван Белянин, сэтчöс авиаотрядысь вöвлöм уджалысь. Сiйö ёртъясыскöд ветлöма Маньпупунёр гöра вылö да снимаитома таио аслыспöлöс памятниксö.
Из бöлбанъяса конвертъяссö вузавлöны нин Коми Республикаса быд пошта юкöнын. Регыд найö разаласны мир пасьтала да бара на казьтыштасны Россияса сизим дивöысь öти йылысь. И, дерт жö, тадзи нимöдасны тшöтш Коми Республикаöс.
Автор/источник: Коми Му
|
|
|
|
|
|
 |
|
|
|
РЕКЛАМА
|
|
|
