|  |
Новости на национальных языках |
|
|
Финн-угор кунъёслэн посолъёссы УдГУ-ысь студентъёсын
03.06.2010
Венгрилэн, Эстонилэн но Финляндилэн Россиысь посолъёссы Удмурт кун университетысь студентъёсын, дышетисьесын но элькунысь тодосчиосын пумиськылизы. Жыны час куспын портэм юанъес жутэмын вал — огъя экспедициосты улзытон, азьвыл радъям ужез азинтон. Тунсыко пормиз финн-угор эсперанто кылъя вераськон но. Со сяна Кун университетлэн кыкети корпусаз мадьяр культураез но кылэз дышетонъя висъет усьтиськиз. Одигаз аудиторие тыраз калык люкаськиз — та выллем ужрадъес чем уг ортчо. Талэсь азьло финн-угор кунъеслэн Россиысь посолъессы 2004-ти арын вуылизы. Со дырысен 6 ар ортчиз, посолъес но воштиськизы. Огкадь кылиз лыктэм мугзы гинэ.
СИММУ ТИЙК ЭСТОНИЛЭН РОССИЫСЬ ПОСОЛЭЗ: "Нам очень дороги финно-угорское население, родственные отношения с удмуртами, потому что это наши общие корни."
Пумиськонын портэм юанъес жутэмын вал. Нырысетиез — тупатэм кусыпъесты азинтон. Удмурт кун университет Венгриысь, Эстониысь но Финляндиысь ВУЗъёсын кемалась — 80-ти аръесысен — кусыпъёс возе бере, азьло сямен ик кельтоно студентъёсты но аспирантъёсты огъя дышетонэз. Кунгож сьорысь дышетскисьёс асьме дорын тодон-валан мед люкалозы — удмурт кылын но культураен мед тодматскозы, нош асьме студентъеслэн озьы ик финн-угор кунъесы потаны луонлыксы мед луоз. Студентъесын чош тодосчиос но кенешонэ пыриськизы бере, тунсыко чектон вордиськиз — калык куспо экспедициосты улзытоно. Та малпанэз Кастрен общество пыр улонэ пычатыны луоно шуыса оскытиз Финлэндилэн посолэз. Нош Алексей Арзамазовен кылдытэм огъя финн-угор эсперанто кыл пумысен — оскымтэзэс веразы — котькудиз кыл ас понназ чебер, соин ик пычкиськыса выль кыл кылдытон — дыр быдтонлы гинэ кельше. Соин ик туж интыяз пормиз университетлэн кыкети корпусаз мадьяр культурая но кылъя висъет усьтэм — венгер кылэн дорамы тросэз тунсыкъясько. Москваысь центрлы луыса шаерысь кабинет дуно пуштросо книгаосын но туала техникаен узырмиз.
ИШТВАН НАДЬ МОСКВАЫСЬ МАДЬЯР КУЛЬТУРАЯ НО КЫЛЪЯ ЦЕНТРЛЭН КИВАЛТИСЕЗ : "Если смотреть на диапазон, безусловно он широк, начиная от художественной литературы, научной литературы, документальной литературы. Я уверен, что эти книги безусловно представляют венгерскую духовную жизнь."
Мадьяр кылэз удмурт кун университетысь филолги факультетын кемалась дышето. Нош висъетлы луыса сыче луонлыксы кылдоз вань мылкыд карисьеслэн.
ГАЛИНА ГЛУХОВА УДМУРТ КУН УНИВЕРСИТЕТЫСЬ МАДЬЯР КУЛЬТУРАЯ НО КЫЛЪЯ ВИСЪЕТЭН КИВАЛТИСЬ: "Ну конечно, университетын интыяськемын бере, самой бадзым кузеяськисьес луозы студентъес, аспирантъес, дышетисьесмы."
Удмуртиын усьтэм центр — 9-тиез, мукетъесыз Россиылэн мукет улосвылъесаз ужало. Азьланяз но юрттэт вуоз Москваын интыяськем центрысь, Венгриысь. Солы луыса Ижкарын эшшо одиг узыр библиотека ужалоз.
Автор/источник: Лена Слесарева "Мынам Удмуртие" телеканал.
|
|
|
|
|
|
 |
|
|
|
РЕКЛАМА
|
|
|
