|  |
Новости на национальных языках |
|
|
Элькунамы вуизы финн-угор кунъёслэн посолъёссы
01.06.2010
Удмуртие вуизы Венгрилэн, Финляндилэн но Эстонилэн Россиысь посолъёссы. Нырысь ик соос Александр Волковен пумиськылизы. Пумиськонын огъя чектосъёс сярысь вераськон мыниз. Элькун но финн-угор кунъёс куспын кемалась огкылысь уж мынэ — арлы быдэ сямен выли дышетсконниосысь дышетисьёс но студентъёс огъя эскеронъёс радъяло, стажировкаос ортчо. Кунгож сьорысь егитъёс дорамы вуо удмурт кылэз дышетыны. Ижкар — Венгриысь Татабанья карлэн побратимез луэ. Элькун азьмуртэн пумиськем сяна, посолъёс мадьяр лулчеберетъя центрлэн усьтиськемаз пыриськизы. Со ужалоз удмурт кун университетысь удмурт филологи факультетлэн инъетаз. Со сяна шаерын усьтиськоз финн-угор кинофестиваль. Туннэ мылкыд карисьес тодматскыны быгатозы "Синбад" фильмен. Чуказе возьматэмын луоз финн режиссерлэн ужез, нош чуказе бере эстон анимация. Посолъес шаерамы куинь нунал чоже ужалозы. Соос дышетон, лулчеберет удысъёсъя ужрадъёсы, Ижкарын радъяськись инновациосъя Росси форуме пыриськозы. Со сяна выли куноос Удмуртиен но татын улись калыкен матысьгес тодматскон понна портэм музейёсы но удмурт гуртэ ветлыны чаклало.
Автор/источник: «Мынам Удмуртие» телеканал.
|
|
|
|
|
|
 |
|
|
РЕКЛАМА
|
|
|
