|  |
Новости на национальных языках |
|
|
Выль удмурт книгаослы таиз ар бусьтыр овол
05.05.2010
Таиз ар выль удмурт книгаослы "Удмуртия" книгапоттониын бусьтыр овол. Но поттэмъёсыз — адзымон. Соос полын Юрий Лобановлэн "Кучыран Юри" альбомез. Сое Эстониысь чыжы-выжы кылъёсъя программа поттыны юрттиз. Адзымон книгаос полын — зуч кылысь берыктэм произведениос но. Юрий Лобанов яке Кучыран Юри — аспортэмлыко адями. Сыче ик пормиз альбомез но. Валамон, вань ужъесыз оз пыре. Но озьы ке но огъя ужан шомыз шодиське.
ЮРИЙ ЛОБАНОВ СУРЕДАСЬ: "Та книгае шымыртыса пыртэмын мынам зарезе. Со мынам дуннее. Но со кызьы пыртэмын — зарезьын портэм вань тулкымъес — бадзымъесыз, пичиосыз, вань цунами тулкымъес. Вот со цунами тулкымъеслэн йылъёссы татчы пыртэмын."
Юрий Лобановлы книгазэ поттыны юрттиз Эстониысь чыжы-выжы кылъесъя программа. Кунгож сьорысь лыктэм коньдон чемысь юрттэ шаерысь гожъяськисьеслы — Юрий Лобановен быдэстэм проект нырысетиез овол. Книгаос яркытэсь, кие кутымонэсь пормо.
ВЕНИАМИН ИВШИН "УДМУРТИЯ" КНИГАПОТТОНИЫСЬ ВАЛТИСЬ РЕДАКТОР: "Со чыры-пыры кураськыса поттэм уксёен трос книга уд потты. Соин ик милям тросэз кылле жажыосын дасям книгаосмы."
Секыт югдур нылпи литератураен. Туэ 3 книга поттэмын — "Лопшо Педунь серекъя", "Косьтэй но кыстыбей" но "Ческыт комеч".
ЮРИЙ КУЗНЕЦОВ "УДМУРТИЯ" КНИГАПОТТОНИЛЭН КИВАЛТИСЕЗ: "Со одигез тужгес но коньдоно литература луэ, малы ке шуоно удмурт кылын нылпи книга дасян туж дуно усе."
Адзымон пормиз зуч гожъяськисьеслэсь ужъессэс удмурт кылэ берыктыса поттэм книгаос. Перевод ужен портэм вакытэ тыршизы Михаил Петров, Семен Перевозчиков, Михаил Горбушин. Соослы но туала берыктисьеслы луыса анай кылын лыдзыны луоно Пушкинлэсь, Есенинлэсь, Некрасовлэсь, Лермонтовлэсь, Кольцовлэсь кылбуръессэс.
ВЕНИАМИН ИВШИН "УДМУРТИЯ" КНИГАПОТТОНИЫСЬ ВАЛТИСЬ РЕДАКТОР: "Соос дунъет сетыны дышето кыче вал берыктонъес. Куд-огез туннэ но чебер жингырто, нош куд-огез палэнэ кылизы, удмурт кыл соку гинэ азинскыны кутскиз, али луонлыкъес тросгес ни."
"Удмуртия" издательствоен поттэм книгаосын тодмасткыны луэ сайтазы пырыса но. Интернет бамын книгаослэн вылтуссы но вакчияк пуштроссы но гожтэмын.
Автор/источник: Лена Слесарева "Мынам Удмуртие" телеканал.
|
|
|
|
|
|
 |
|
|
|
РЕКЛАМА
|
|
|
