|  |
Новости на национальных языках |
|
|
Эз ставoн «кывзысьны»
13.04.2010
Ванкуверын Олимпиада бöрын спортса чинаяс пöвстысь кодсюрö пыр жö петiсны отставкаö. Россияса Президент чирыштiс да, он пö сяммöй юрнуöднысö. Дугöдчисны асланыс уджысь горнолыжникъяслöн, фристайллöн, двоеборечьяслöн федерацияясысь тренеръяс.
Но эз ставöн эновтны «карабсö». Сiдз, важ моз юрнуöдö Россияса лыжникъясöн главнöй тренер Юрий Чарковский. Кыв шутöг, и сылöн эм мыжыс олимпиечьясöс омöля дасьтöмысь. Но бöръя кадас тайö мортсö вывтiджык жö резiсны няйтнас. И кодъяс? Аслас жö быдтасъясыс. Гаравлiм нин, мый 14 лыжник мöдöдöмаöсь Россияса Президентлы элясяна письмö. Юрий Чарковский шуö, мый спортсменъясöс тайö письмöсö гижны ыззьöдысьясыс — Наталья Коростелёва да Ирина Хазова. Мукöд лыжникыс пö нем думайттöг пуктöмаöсь кырымпассö. На лыдын зэв на том Артём Жмурко да Комиысь Андрей Парфёнов.
Автор/источник: Коми Му
|
|
|
|
|
|
 |
|
|
|
РЕКЛАМА
|
|
|
