|  |
Новости на национальных языках |
|
|
Эгра ёросысь "Зардон"ансамбль юбилейзэ пусйиз
13.04.2010
"Зардон" ансамбльлы — 35. Эгра ёросысь Сундур гуртысь калык коллектив юбилейзэ пусйиз. Солы луыса ерос центрын туж паськыт шулдыръяськон радъямын вал. Нефтяник культура юртэ артистъесты зечкыланы тыраз калык люкаськиз. Удмурт сямъя — котькуд пыриськлы кырзан, перепеч но посятэм. Вордиськем нуналэ лыктэм куно котькудиз дуно.
Фольклоръя "Зардон" калык ансамбльысь кыкез артистъес коллектив кылдэм дырысен — ветло ини. Одигез соос полысь Людмила Корепанова. Та вашкала кадръесын со егит на. Нырысети концертэн Пичи Пургае потазы — али ке но кышномурт тодаз вае сцена вылэ потон азьын куалекъямзэс.
ЛЮДИМИЛА КОРЕПАНОВА ЭГРА ЁРОСЫСЬ СУНДУР ГУРТЫСЬ "ЗАРДОН" КАЛЫК ФОЛЬКЛОР АНСАМБЛЬЫСЬ АРТИСТКА: "Первый раз сцена вылэ потэм нуналэ огмы борды огмы кутскиськом но ум усе-а мар-а мед-а малпаськом — ой усьы. Кыче ке бадзым праздничный мероприятие луоно ке, всеравно со мында ар ке но ветлэмын ни — кышкано."
"Зардон" ансамбле огшоры гуртын ужась калык ветлэ. Сцена уг юа кин кытын тырше, отын ваньзы огкадесь — ваньзы артистъес. Зардонлы 35 ар тырме, со полысь 22-ти арзэ коллективен Анатолий Чирков кивалтэ.
АНАТОЛИЙ ЧИРКОВ ЭГА ЁРОСЫСЬ СУНДУР ГУРТЫСЬ "ЗАРДОН" КАЛЫК ФОЛЬКЛОР АНСАМБЛЕН КИВАЛТИСЬ: "Ми эктиськом но, кырзаськом но. Милям туж трос Игра еросын сямъесмы но йылолъесмы — сюан, армие келян, турнаны потон, корка пукон. Трос. Вераса но уд быдты."
АННА ПРОКОПЬЕВА УДМУРТИЫСЬ ДАНО АРТИСТКА: "Та коллектив нимысьтыз пусйымон, со уйпал удмуртъёслэн коллективзы, таче нач-нач уйпал фольклорен выриськ коллективъёс ожыт. соин ик та коллективез мон гажасько."
35 ар чоже трос сюресэз легазы ни Сундур гуртысь артистъес. Росси вожвылъяськонъесысь дипломъесын бертылизы. Кунгож сьорын улисьесты удмурт калыклэн сям-йылолъесынызы, кырзан-эктонъесынызы тодматылизы. 1985 арын Зардон -калык ансамбль нимын пусъемын. 35 ар — со профессиональной коллективлы ожыт овол, нош огшоры — ас мылкыд каремзыя люкаськем адямиос понна — со туж трос.
ЕВГЕНИЙ СЕРЕБРЕННИКОВ УДМУРТИЫСЬ КАЛЫК АРТИСТ: "Мон шуысал бадзым букваосын артистъёс соос. Сизем потэ соослы азьланяз но таче ик юбилейёс 100, 200, 250. Коллектив азьланяз но мед улоз. Озьы ик мыло-кыдо мед ветлозы, чебер кырзан-эктонъес соослы и мылкыдзы котьку но капчи мед луоз."
Автор/источник: Лена Слесарева "Мынам Удмуртие" телеканал.
|
|
|
|
|
|
 |
|
|
|
РЕКЛАМА
|
|
|
