|  |
Новости на национальных языках |
|
|
Коми Республикаo удж могoн воис финн-йoгра том войтырлoн котырoн веськoдлысь Алексей Цыкарев
07.04.2010
Апрель 6-öд лунö республикаса газет-журналъяс петкöдлысьяскöд аддзысьлiгöн МАФУН-са президент тöдмöдiс национальнöй кыв вылын петысь ”Liidylaine” газетöн, кöнi сiйö сiдзжö уджалö шöр редакторöн. Кöть газет петö оз государстволöн тшöт весьтö, республикаын сылöн медся ыджыд тираж. Алексей Цыкаревлöн кывъяс серти, национальнöй газет-журналъяс вермöны вайны нажöтка. Карелса газет йöзöдö роч да карел кывлöн людиковскöй сёрнисикас вылын юöръяс, тшöтш и дасьтö да пöртö олöмö проектъяс. Тайö отсалö шедöдны быдсяма грантъяс, кодъяслöн сьöм вылö газет ньöбö сiдзжö ылыс грездъясö компьютеръяс да модемъяс. Та пыр паськöдö оз сöмын лыддьысьысьяслысь, но и корреспондентъяслысь лыдсö. Газетлöн шöр могъяс лыдын — гижны людиковскöй сёрнисикасöн сiйöс, мый йöзлы матынджык, интереснöйджык. А уна сикаса материал отсалö тайö интерессö пыр кутны. Грантъяслöн сьöм вылö бöръя ньöбöмтор — ас полиграфическöй оборудование. Сiйö сетас позянлун видзны типография вылö рöскодъяс да сöвмöдны уджсö.
Автор/источник: Коми народное радио
|
|
|
|
|
|
 |
|
|
РЕКЛАМА
|
|
|
