|  |
Новости на национальных языках |
|
|
Медводдзаысь на Комиын
26.03.2010
Ямал-Ненеч кытшысь «Сыра" сэв» («Лым чир») ансамбль 45 во нин тöдмöдö Россияын олысьясöс Ылi Войвывса вужвойтырлöн - ненечьяслöн, хантылöн, комилöн да селькупъяслöн - йöктöмъясöн. Татшöмыс налöн репертуарын нелямынысь унджык нин. 2002 восянь котырнас юрнуöдö енбиа хореограф Олег Ролев.
Апрельын Комиын финн-йöгралöн да са-моедьяслöн культура луньяс дырйи тайö котырыс медводдзаысь на волас миян республикаö. Сыктывкарса филармонияын «Сыра" сэв» ансамбль петкöдчас Коми Республикаса народнöй артистка Лидия Логиновакöд öтувья концертын.
Таысь кындзи апрель 8-10 луньясö республикаса культура учреждениеясын позяс видзöдны Санкт-Петербургса «Этнос» киностудиялысь фильмьяс да аддзысьлыны найöс вöчысьяскöд, а сiдзжö волыны урал кывья войтырлöн аслыспöлöслунлы сиöм выставкаяс вылö. Ямал-Ненеч кытшысь гöсьтьяс жö тöдмасясны коми йöзкостса культураöн да татчöс войтырлöн оласногöн, нуöдласны найöс и Коми Республикаса Национальнöй музейö.
Вужвойтырлысь луньяссö котыртöны Россияса финн-йöгра культура шöрин да Ямал-Ненеч кытшысь национальнöй культураяслöн шöрин.
Автор/источник: Коми Му
|
|
|
|
|
|
 |
|
|
|
РЕКЛАМА
|
|
|
