|  |
Новости на национальных языках |
|
|
Вежoрнас кылoны коми кывсo
19.07.2007
Июнь 25 — июль 9 лунъясö Сыктывкарын финн-йöгра культура шöринын сизимöдысь нин чукöртчылiсны Гожся университетö республика пасьталаысь енбиа том войтыр.
Медводдза курсö волiсны Кулöмдiн, Кöрткерöс, Удора, Изьва, Усинск, Емдiн, Княжпогост районъясысь, Сыктывкарысь гижны босьтчысьяс. Унджыкöныс на пиысь йöзöдлывлöмаöсь нин висьтъяссö, кывбуръяссö, статья-очерксö «Коми му», «Йöлöга», «Радуга» да ас районса газетъясын, «Войвыв кодзув», «Би кинь» журналъясын. Сiдзкö, налы тöдса нин гижан уджлöн кöрыс, сэк жö бура тöдöны коми кывсö, кылöны да кужöмöн вöдитчöны сыöн.
А мöд курсын том йöз тöдöмлуннысö зумыдмöдоны нин, пыдоджык пыродчоны гижан уджас, налысь уджъяссö донъялöны республикаын тöдса гижысьяс, журналистъяс, мыйыськö ошкыштöны, мыйкö тшöктöны вежлалыштны-шыльöдыштны. Ясыда нин тöдчö, кыдзи том йöз кужöны лöсьöдны гижöдыслысь тэчассö, бöрйыны медколанасö, вайöдны лыддьысьысьöдз шöр мöвпсö.
Гоз-мöд гижöд ми шуим йöзöдны «Коми му» газетлöн матысса номерын.
Автор/источник: "Коми му"
|
|
|
|
|
|
 |
|
|
|
РЕКЛАМА
|
|
|
