|  |
Новости на национальных языках |
|
|
«Эмoсь Комиын енбиа йoз...»
19.07.2007
Татшöм ним улын выль конкурс йöзöдiс Коми Республикаса кулыура да национальнöй политика министерство «Коми му» газеткöд öтвылысь комиöн гижысь журналистьяслы 2007-öд волöн июль 1 лунсянь.
Конкурссö сиöма «Коми му» газетлöн 90 вося юбилейлы, кодöс кутам пасйыны 2008 волöн июнь тöлысьö, да нуöдсьö «Коми Республикаса государственнöй кывъяс видзöм да сöвмöдöм» уджтас олöмö пöртöм могысь. Тöдчöдам, мый коми газет-журналын йöзöдлöм да йöзöдлытöм на гижöдъяссö колö мöдöдны-вайны 2008 волöн май 1 лунöдз «Коми му» редакцияö. Ордйысьöмö вермас пырöдчыны быд морт, кодi пыдди пуктö ассьыс мам кывсö, корсис да аддзис миян сикт-грездъясысь, посёлокъясысь, каръясысь енбиа войтырöс, кодъяс кужöны-сяммöны и пыжтö вöчны, и серпасасьны, и мойдчыны, и мичаа гудöкасьны... А, гашкö, нöшта на мукöдторйын ассьыс сямсö петкöдлыны.
Жюриö пырасны коми гижысьяс, журналистъяс, Коми Республикаса культура да национальнöй политика министерствоын уджалысьяс, коми печатьса ветеранъяс.
Конкурсын вермысьяслы вичмасны дона козинъяс да дипломъяс, кодъясöс сетасны «Коми му» газетлысь юбилей пасъян лунъясö. Медся бур гижöдъяссö лоö йöзöдöма коми газет-журналъясын.
Автор/источник: "Коми му"
|
|
|
|
|
|
 |
|
|
|
РЕКЛАМА
|
|
|
