|  |
Новости на национальных языках |
|
|
Вобыд тэтoг
13.07.2007
Татшöм нима казьтылан рытпук мунiс июль 4-öд лунö Косланса краеведческöй музейын. Танi казьтылiсны районса нималана гижысьöс - Юрий Константинович Васютовöс.
Сьöлöм вöрзьöдана рытпуксö нуöдiс культура юкöнса методист Нина Прокопьева. Вöлi чукöртчöмаöсь зэв матысса, культураын уджалысь войтыр, кодъяс асногыс казьтылiсны Ю.К.Васютовöс: Лариса Королева, Надежда Багаева, Вера Харламова, Михаил Скомороков, Алла Капарник, Ольга Жилина, Любовь Павлекова да мукöд. Лыддисны Ю.Васютовлысь кывбуръяс, сьылiсны сьылан-кывъяс, «Мусукасян керка» повестьысь лыддисны йöзкостса шусьöгъяс («Сусед суседлы - вок да чой», «Деньгаыд абу чаг, он лöсав черöн», «Шуан дак шуан, быттьö печат ляскан» да с.в.).
Шöр библиотекаын уджалысь Агния Цынгина аслас сёрниын пасйис: «Юрий Константинович - кывбуралысь, проза гижысь, публицист и поэт-песенник. Сылöн уна кывбур вылö удораса комиозитор Михаил Скоморов лöсьöдiс шылад (музыка). Уна сьылан сиöма удораса сиктъяслы. Эм аслас сьыланкыв Важгортлöн, Муктылöн, Черныблöн, Пыссалöн да мукöд сиктлöн. Ачым ме Пыссаса. И кор ветла бокö ас районысь, рöдвуж, тöдсаяс, Пыссаысь петöм войтыр пызан сайын пукалiгöн медводз горöдасны сьывны Пыссалы сиöм сьыланкыв. Войтырыс тöдöны, кодлöн кывъясыс и шыладыс. Бокын олысьяслöн, рочöн кö шуны, чужанiн вöсна ностальгия. Воа чужанiнам, Пыссаö, да сiдз жö медводз горöдасны ас сиктлы сиöм сьыланкыв. Войтырыс гöрдитчöны, мый эм асланыс чужанiн йылысь сьыланкыв. Та серти нин позьö вöчны кывкöртöд: Удораса войтыр оз вунöдны поэт-песенникöс, кутасны сьывны да пыр казьтывны Юрий Константиновичöс».
Удораса гижысь Алексей Вурдов сiдзжö кывкöрталiс: «Юрий Васютовöс оз на кужны донъявны талун, но 100 во мысти сылöн нимыс, кыдз гижысьлöн, лоö тöдса став Россия пасьта».
Юрий Васютовлöн Миша пиыс аттьöалiс ставныссö батьсö бура казьтылöмысь.
Автор/источник: "Выль туйöд"
|
|
|
|
|
|
 |
|
|
|
РЕКЛАМА
|
|
|
