|  |
Новости на национальных языках |
|
|
Агавайремыште угыч вашлиймеш
13.07.2007
Йўла почеш ий еда эртарыме Агавайремын эстафетыже ўмаште Арти район деч пошкудо Ачит район марий-влак деке кусныш. Тиде жапым ты кундемыште илыше-влак веле огыл, чумыр урал марий-шамыч чот вучышт. Теве тудо толын шуо. Кўшыл Потам ял йыр шуйналт вочшо ужар алан пайрем тўсым нале. Поро йўла почеш, Российын да Ачит ола шотан округын флагыштым нєлтальыч. Вара тысе карт кугыза Борис Александров, Ош Кугу Юмо деч чыла сайым гына йодын, кумалме мутым пелештыш.
Ты кундемыште пашам йєратыше калык ила. Кўшыл Потам йыр улшо яллаште 1777 ен ила гын, тышеч пелыже - марий-влак. Ял шкежат кундемыште ик эн кугу ийготан - 1750 ийыштак негызым пыштыме.
Пайрем алан чынжымак мотор: жаплан ыштыме сценыште мурен-куштен кертыныт гын, воктенак - футбол поле, тир, ипподром. Тушто спортым йєратыше-влак вийыштым терген кертыныт. Кочкаш-йўашат єрдыжтє кычалман огыл: торгайыше киоск-влак радамын шогат, мангалыште шашлык тамле пушым шара. Калыклан спорт танасымашке ушнаш, "кандырам пунаш", шукертсек вашлийдыме йолташым ужын, ваш-ваш мутланаш - чылашкыжат шукташ кўлын. Мутлан, шке усталыкшым ончыкташ шкешотан 15 художественный коллектив толын. Нунын концертлык вургемышт тўрлє тўс дене волгалтын. Икманаш, кушташ-мураш кумыланже пеш шуко ыле, но тале гармонистын полышыжо ыш сите. Тыгай туткар гыч лекташ кундемыште ик эн тале музыкант Леонид Ильдыбаев полшыш. Вет тудо шўвырымат шокта, тўмырымат пералта, а гармоньым кидыш налеш гын, куштен моштыдымыжат тавалташ лектеш. Тудлан сем мастар-влак Наталья Никишева ден Геннадий Яшин полшат.
Кундемыште пашам веле огыл тыршен ыштат, каненат моштат. Могай Агавайрем имне дене танасымаш деч посна лийын кертеш?! Спортын тиде видше дене ўчашымаште Денис Набиев икымше верым нале, Владимир Валиев кокымшо лие.
Изи калибран пычал дене лўйкалымашлан ончычсо кок офицер - авиацийын запасысе полковникше Евгений Илеев ден милицийын подполковникше Герман Никитин - мутым кученыт. Чын, нунын ўмбалнышт офицер вургем огыл, а тўрлеман марий тувыр лийын. Кок офицер эн сайын лўйышє семын Женя Каметовым палемдат да пєлек шотеш вургем мушмо машинам пуат.
Пайрем умбакыже шуйнен, кушташ-мураш, тўрлє та‰асымашке ушнаш ўжын. Мучашлан Ачит ола шотан округын культура управленийжым вуйлатыше Андрей Семенов Агавайрем эстафетым пошкудо Красноуфимский районлан пуымым увертарыш да уналан - Марина Башкирцевалан - марий вургеман курчакым кучыктыш. Тыгеже, вес ийын вашлиймеш.
Автор/источник: "Марий Эл"
|
|
|
|
|
|
 |
|
|
|
РЕКЛАМА
|
|
|
