|  |
Новости на национальных языках |
|
|
Мордовиянь школьниктне тусть финно-угорской народонь Международной эйкакшонь лагерев (эрзякс)
13.07.2007
Цетьверьгень валске Мордовиянь весе районтнэстэ кочказь 28 школьникть тусть Республика Марий Элэв финно-угорской народонь Международной эйкакшонь лагерев. Теде РИА "Инфо-РМ-нь" пачтясь финно-угорской народонь Поволжской Центрань информационно-библиотечной ресурсонь ды медиа-проектэнь отделэнь начальникесь Татьяна Чекушова.
Сменась ютавтови Республика Марий Элэнь образованиянь министерстванть ды Марий Элэнь эйкакшонь ды подросткань организациянь Союзонть "Эр вий" ("Юная сила") вельде, истяжо Приволжской федеральной округсо Россиянь Президентэнть Полномочной представителень Александр Коноваловонь кирдеманзо вельде.
Эйкакшонь лагерев пуромить Башкортостанонь, Карелиянь, Коминь, Мордовиянь, Татарстанонь, Удмуртиянь, Кировской ды Нижегородской областень, Ханты-Мансийской автономной округонь ды лията делегациятне.
Кода евтнесь Татьяна Чекушова, лагерень программас совавтовить финно-угорской народонь делегациянь чить, конатнень шкасто эрьва регионось невтьсы эсь национальной культуранзо. Истяжо кармить ламо вастовомат, выставкат, концертной программат, панжовить народной теевксэнь мастерскойть, ютавтови народной налксемань фестиваль. Лагерень инжекс сыть историкть, этнографт, артист.
"Мероприятиятнень прявт целесь- штобу од ломантне ванстовлизь финно-угорской народонь койтнень",- тешкстызе Чекушова.
Автор/источник: РИА "Инфо-РМ"
См. также:
 Школьники Мордовии отправились в Международный лагерь детей финно-угорских народов
|
|
|
|
|
|
 |
|
|
|
РЕКЛАМА
|
|
|
