|  |
Новости на национальных языках |
|
|
Мордовиянь Покш Березникень районось аноксты вастомс финно-угорской васенце Международной форумонь делегациянть (эрзякс)
12.07.2007
"Шумбрат, финно-угрия!" васенце Международной финно-угорской фестиваленть ютксто, июлень 20-це чистэ, Республика Мордовиянь Покш Березникень районов моли Коми-Пермяцкой автономной округонь делегация. Теде РИА "Инфо-РМ-нь" пачтясь Мордовиянь Покш Березникень муниципальной райононь администрациянь культурань Управлениянь начальникесь Лилия Прохорова.
Делегациянтень совить 30 ломанть, сынст ютксо кармить Кудымкарской райононь Кечурской СДК-нь "Бичир" ("Искра") фольклорной ансамблясь, Юсьвинской РДК-нь "Старики" эстрадной группась ды Пермской краень "Мимикрия" театрась.
Лидия Прохоровань валонзо коряс, Коми-Пермяцкой округонь делегациянть туртов анокстыть а евтавикс театрализованной вастовома. Райононь границя лангсо путыть мокшэрзянь нардамосо вельтязь покш столь, конань лангсо кармить национальной ярсамопельть, брага ды свадьбань прякат. Делегация марто автобусонть лоткавтсызь ды инжетнень тердсызь столь вакс. Мокшэрзянь оршамопельсэ од тейтертне морыть тенст народной морот.
"Минь арсетяно, што инжетнень мельс пек туи те вастовомась ды сынь кувать кармить лецтнеме эйсэнзэ",- мерсь Лилия Прохорова.
Каванямкадо мейле инжетнень усксызь Покш Березники райцентрав, косо культурань Кудо икеле вастсызь кши-сал марто. А залонть потсо невтьсызь тескень музеень экспонатнэнь ды евтнить тенст райононь историядонть: велетнеде, архитектурань памятниктнеде, райононь содавикс ломантнеде. Седе тов делегациянь участниктнень сайсызь районга экскурсияв, косо невтьсызь тенст од строявкстнэнь- храмонь мазый зданиянть ды лиятнень.
Пермиси велень эйкакшонь национальной коллективесь театрализованной формасо тердьсызь инжетнень сцена лангс, штобу мартост вейсэ невтемс народной культуранть.
Мордовиянь Покш Березникень районсо Международной финно-угорской форумонь участниктнень туртов анокстыть казнеть (сувенирт). Уцяскань кисэ инжетненень казить раужо мореной тумосто теезь амулет. Истяжо стыть тенст российской флагонь колмо тюсонь- сэть, якстереть ды ашот "Большие Березники – 2007" сермадовкс марто галстукт.
"Минь бажатано, штобу минек райононок ланга инжетнень кадовольть паро лецтнемат", -тешкстызе Лилия Прохорова.
Автор/источник: РИА "Инфо-РМ"
См. также:
 Мордовиянь Большеберезниковскяй районць аноклай васенце Международнай финно-угорскяй форумонь делегациять васьфтеманцты (мокшень)
Большеберезниковский район Мордовии готовится встретить делегацию первого Международного финно-угорского форума (рузонь)
|
|
|
|
|
|
 |
|
|
|
РЕКЛАМА
|
|
|
