|  |
Новости на национальных языках |
|
|
Гажаа юргис "Завалинка"
12.07.2007
Пыр паськыдджыка юргö-шыалö Выльгортын быд гожöм мунысь «Завалинка» фестиваль. Сы йылысь бура тöдöны оз сöмын Комиын, но и Россияын. Со и таво июль 7 лунö, Сыктывдiн районса администрацияысь культура отделöн веськöдлысь Марина Андреевалöн висьталöм серти, ассьыныс сямлуннысö петкöдлыны волiсны Россияса 11 регионысь да республикаса 13 районысь сьылысь-йöктысь котыръяс. Гöсьтъяс лыдын вöлi и Белоруссияысь став мир пасьта тöдса «Песняры» ансамбль.
Ыджыд гаж вылö чукöртчöм войтырöс пöся чолöмалiсны Коми Республикаса да Сыктывдiн районысь администрацияса юралысьяс Владимир Торлопов да Артур Рудольф.
Воссис сiйö районса культура керкаын, а сэсся праздникыс вуджис юрсиктса Юбилейнöй изэрд вылö. Уна рöма да гажа гора вöлi Выльгортын гажыс. Oтамöдöс вежлалöмöн петкöдчисны Сыктывкарысь «Балалайка»,
«Медбур кад», Кировысь «Россияночка», Чилимдiнысь «Пижма», Костромаысь «Сендега», Чувашияысь «Сар Ен», Нарьян-Марысь «Печорянка», Кулöмдiнысь «Рябинушка», Воронежысь «Узоры» ансамбльяс, Выльгортысь
«Виктория» шоу-балет да уна мукöд котыр. Танi жö ассьыныс сямнысö петкöдлiсны и Сыктывдiн районса Пальысь, Придашысь, Мандачысь, Нювчимысь, Паджгаысь, Часысь, Озёлысь, Ыбысь зарни киа йöз.
Видзöдысьяс пöся чолöмалiсны артистъясöс да корисны найöс волывлыны и водзö вылö.
Автор/источник: "Коми му"
См. также:
 Коми: Фестиваль народной песни "Завалинка" выходит на всероссийский уровень
Фестиваль народной песни в Выльгорте стал всероссийским
До свидания, «Завалинка-07»! Здравствуй, «Завалинка-08»!
|
|
|
|
|
|
 |
|
|
|
РЕКЛАМА
|
|
|
