|  |
Новости на национальных языках |
|
|
Быдэ вуи-а ни?
12.07.2007
«Эру» - финн-угор праздник. Со сћземын егитъёслэн быдэ вуэмзылы. Отын калык сак эскере пияшлэсь зэмос воргоронлы пќрмемзэ, нош нылашлэсь - кузё кышноез воштыны дась луэмзэ.
Аръёс ортчемъя со праздник вунэ ни. Удмурт егитъёслэн «Шунды» огазеяськонзы гинэ солы копак кысыны уг сёты.
30-тћ июне Сюмси черкогурт кырњанэн но нянен-сылалэн пумитаз Сьќлталась «тушмонъёссэ». «Эру» празднике пыриськись котькуд команда отын возьматћз аслэсьтыз быгатонлыкъёссэ. Чаклась-эскерисез но сюриз, ява. Со - егитъёсын ужанъя азьветлћсьёс: «Шунды» огазеяськонлэн кивалтћсез Татьяна Ишматова, Сюмси ёросысь нылкышно огазеяськонлэн кивалтћсез Раиса Волкова, «Шунды» огазеяськонлэн Якшур-Бќдья но Сьќлта ёросъёсысь ёзъёсызлэн кивалтћсьёссы Ирина Вахрушева но Светлана Арасланова.
Сюмсиысь егитъёс кырњаны-эктыны туж быгатћсесь вылћллям. Нош бускель Сьќлта ёросысь куноос анай кылзэс умой тодэменызы паймытћзы, азьвыл кылылымтэ вашкала удмурт кырњанъёсты кырњазы. Татын ик эскеризы нылашъёслэсь картошкаез шаплы но чылкыт паламзэс, кќмыз но, пе, кузь но векчи мед луоз. Усто пияшъёсты синйылтыны юрттћз кортџог шуккон конкурс: быгато-а, пе, соос одћг шоналскемен гинэ кортџогез пуэ пыртыны. Мар но уг пќрмыто вылэм туала егитъёс, соос шоры амалтэк синмаськыса учкиськод.
Кылем арын сямен ик, туэ но вормиз эшъяськон. Соин но, лэся, командаос пќлын задор мылкыд поръяз: табере, пе, та праздник сям-йылоллы мед пќрмоз.
Вань люкаськемъёсты шулдыртћзы кырњасьёс Татьяна Ишматова но Александр Катков. Калык, бадњымез но, пичиез но кизилиосын џош кырњаз, эктћз.
Маин љыт йылпумъяськиз? Шулдыръяськонэз азьланьтћз вашкала удмурт йылол - љук сиён. Жадем вылазы сое быдтэмзэс но ќз шќдылэ, ява.
Автор/источник: «Удмурт дунне»
См. также:
 Тямыс нунал - ќжы-ы-ы-т!
|
|
|
|
|
|
 |
|
|
|
РЕКЛАМА
|
|
|
