|  |
Новости на национальных языках |
|
|
Тямыс нунал - ќжы-ы-ы-т!
11.07.2007
Толон Ижысь Кызьпу арама эшшо но зол шулдырскиз кадь. Со уго тырмиз удмурт пиналъёслэн жингрес куараосынызы. Татчы люкаськизы «Шундыкар» лагере мынћсь пиналъёс. Пиналъёссэс келяны вуиллям анай-атайёссы но. Соослы тани-тани нылпиосынызы люкиськоно луоз. Нош пиналъёслэн бќрдон-мќзмон йыразы ик ќвќл. Соосты вите «Шундыкар» - аслаз тунсыко ужрадъёсыныз, паймымон дышетћсьёсыныз, аспќртэмлыко удысъёсыныз. Соос отысь одно ик одћг йырлы љужытгес луыса бертозы - шутэтскем сяна, трос тодон-валан люкалозы уго.
- «Шундыкар» лагерьлэн таиз сменаез котыр ласянь аспќртэмлыко, - вера удмурт егитъёслэн «Шунды» огазеяськонзылэн кивалтћсез Татьяна Ишматова. - Туэ со ортче ни 15-тћзэ. Удмуртиысь пиналъёс сяна, «Шундыкаре» вуозы Эстониысь делегация, Башкортостанысь, Татарстанысь, Киров но Пермь улосъёсысь удмурт пиналъёс.
Ваньзэ- ќвќлзэ - ог кык сю пала пинал. Зэм, секыт вал соослы конкурс пыр потыны. 1 интылы быдэ усиз вить адями. Жаляса верано, «Шундыкаре» ќжыт пырисько Удмурт шаермылэн уйпал ёросъёсаз улћсь нылпиос. Нош тужгес но мыло-кыдоесь Алнаш, Пичи Пурга палъёсысь егитъёс.
- Оскон бадњым-а, «Шундыкар» ужзэ азьланяз но азинтоз, оло нош эшшо но паськытгес кароз шуыса?
- Пиналъёс «Шундыкарын» улозы 8 нунал џоже гинэ, - шуэ Татьяна Витальевна. - Со туж ќжыт. Малпан вал та лагерьлэсь кык но, куинь но сменазэ радъяны. Но шуг-секытъёс вань ик ай.
Ижысь Кызьпу арамае люкаськем пиналъёс Сарапул пала нуись сюрес кузя ширтћзы «Лесная сказка» лагере. Эх, тћни кытын шундынылъёсты но шундыпиосты возьма тунсыко улон!
Автор/источник: «Удмурт дунне»
|
|
|
|
|
|
 |
|
|
|
РЕКЛАМА
|
|
|
